અહેવાલ ઃ પારુલ આડેસરા, રાજકોટરુ શૈક્ષણિક ક્ષેત્રે ગુજરાતની મુસ્લિમ મહિલાએ ઇતિહાસ સર્જયો અમેરિકામાં એન્ટરન્સ ટેસ્ટ યુનાઇટેડ સ્ટેટ મેડિકલ લાયસનિંગ એકઝામીનેશન (યુ.એસ.એમ.એલ.ઇ.) પરીક્ષા પાસ કર્યા વિના દુનિયાના કોઇપણ દેશની કોઇપણ ગ્રેજયુએટ કે પોસ્ટ ગ્રેજયુએટ મેડિકલ ડિગ્રી ધરાવતી વ્યકિતને અમેરિકામાં પ્રેકિટસ કરવાની વાત તો દૂર પરંતુ દર્દીને હાથ પણ અડાડી શકાતો નથી. અમેરિકન ગ્રેજયુએટ કે પોસ્ટ ગ્રેજયુએટ મેડિકલ ડિગ્રી ધરાવતી વ્યકિતએ પણ આ પરીક્ષા આપવી ફરજિયાત છે. અને આ પરીક્ષા ઓછામાં ઓછા ૮૦ ટકાથી વધુ સાથે પાસ કરનાર વ્યકિત જ દર્દીને હાથ અડાડી શકે છે. અમદાવાદની મેડિકલ કોલેજમાં ત્રણ વર્ષ અભ્યાસ કર્યા બાદ અમેરિકામાં દુનિયાના હજારો વિધાર્થીઓની વચ્ચે આકરી પરીક્ષા ઉચ્ચ ગુણો સાથે પાસ કરી આ અનેરી સિધ્ધિ મેળવી એશિયાની પ્રથમ મહિલા તરીકેનું બહુમાન રાજકોટની પૂત્રવધુએ ે મેળવ્યુ છે. ત્યારે શૈક્ષણિક ક્ષેત્રે આ મહિલાએ અનોખી સિધ્ધિ સર્જી કહેવાય. અમદાવાદમાં એમ.બી.બી.એસ. કરી અમેરિકામાં યુ.એસ.એમ.એલ.ઇ. પરીક્ષામાં ૯૯ ટકા માર્કસ મેળવનાર આ મહિલાની સિધ્ધિ અને તેની સંઘર્ષ ગાથા વિશે જાણીએ. અમદાવાદની અસ્મા ઇકબાલભાઇ અજમેરીએ અમદાવાદની એચ.એન.એલ કોલેજમાં એમ.બી.બી.એસ કર્યુ. એમ.બી.બી.એસ. પૂર્ણ થતાંની જ સાથે તેના લગન્ રાજકોટના પ્રો.યુનુસભાઇ લાખવાના પુત્ર ફઝલ સાથે થયા. ડો.અસ્માના પતિ ફઝલ શિકાગોમાં રહે છે. તેઓ પોતે એમ.એસ.(યુએસએ) છે. તેમણે પોતાની પત્નીને કારકિર્દી આગળ ધપાવવામાં પૂરતો સહકાર આપ્યો. અમેરિકામાં પ્રેકટિસ કરવા માટે યુ.એસ.એમ.એલ.ઇ.ની પરીક્ષા ડો.અસ્માએ આપી. આ પરીક્ષા પાસ કરવી ફરજિયાત છે. આ પરીક્ષા બહુ જ અઘરી હોય છે. તેનું રિઝલ્ટ ખૂબ નીચુ અને ઓછુ આવતું હોય છે. આમ છતાં ડો. અસ્માએ આ પરીક્ષા આપવાનું નકકી કર્યુ. અને તેમાં તેઓએ લ્લ્ ટકા માર્કસ મેળવી આ પરીક્ષા પાસ કરનાર અશિયાના પ્રથમ મહિલા તરીકેની સિધ્ધિ મેળવી. ડો. અસ્માએ આ પરીક્ષા માટે અન્ય પણ કેટલીક પરીક્ષાઓમાંથી પસાર થવું પડયુ હતું તે વિશે શિકાગોથી ડો. અસ્મા અભિયાન સાથેની વાતમાં કહે છે, ર્ ર્ મારા નવા જ લગન્ થયા હતા. લગન્ પછી તુર્ત જ શિકાગો આવી. અમેરિકા હું પ્રથમ વખત આવી. અહીૅના નવા કલ્ચરમાં સેટ થવુ, અમેરિકાની ડાઇવીંગ સિસ્ટમ જાણવી,પરીક્ષાની તૈયારી કરવી, ઘરની જવાબદારી સંભાળવાની, કુકીંગ શીખવાનું અને આ ઉપરાંત હું પ્રેગનેન્ટ હતી. આ બધા વચ્ચે મારે ચેલેન્જીંગ એકઝામ આપવાની હતી. પરંતુ આમ છતાં મેં પરીક્ષા માટે સતત છ મહિના તૈયારી કરી. પરીક્ષાની તૈયારી મેં ઘરે જ કરી છે. મને વિશ્વાસ હતો મે હું આ પરીક્ષામાં સફળ થઇશ જ. જોકે આ વિશ્વાસ મેં એમબીબીએસનો અભ્યાસ મન દઇને કર્યો હોવાથી મારા માટે એકઝામ સફળ રહી. મારા માતાનું ડોકટર બનાવાનું સપનુ હતુ. પણ તે સફળ નહોતુ થયુ. એટલે ઘરનાઓએ પહેલેથી જ હું ડોકટર બનુ તે માટે ટીટ કરી હતી. એટલે મારા પરિવારજનો પણ અપ્રત્યક્ષ રીતે મારી સફળતાના ભાગીદાર ખરા જ. ખાસ કરીને મારો ભાઇ. મારા પિતાનું પ વર્ષ પહેલા અવસાન થયું તો પણ ભાઇએ મને મેડિકલનો અભ્યાસ કરાવ્યો હતો. ર્ ર્ આ ઉપરાંત ડો. અસ્માને ઇશ્વરમાં અતુટ શ્રધ્ધા છે. હું દરરોજ દિવસમાં પ વખત નમાજ પઢુ છુ. રમઝાનના રોઝા કરે છે. અને એ શ્રધ્ધાએ જ તેમને સફળતા અપાવી હોવાનું તેઓ માને છે. યુ.એસ.એમ.એલ.ઇ.ની પરીક્ષા ત્રણ તબકકામાં લેવાય છે. ર થીયરી અને ૧ પ્રેકટીકલ. તેમાં પ્રેકટીકલ એકઝામ સતત ૮ થી ૯ કલાક સુધી સતત ઉભા રહીને આપવી પડે. સગર્ભા હોવાના કારણે આ પરીક્ષા માટે અનેક મુશ્કેલી હોવા છતાં ડો.અસ્માના દઢ મનોબળે અનેકને પ્રેરણા પૂરી પાડી છે. પોતે જે ક્ષેત્રમાં છે તેમાં તેમને બેસ્ટ પફોર્મન્સ કરવુ છુ અને ટોપ રહેવું છે તેવો આત્મ વિશ્વાસ ડો. અસ્મા ધરાવે છે. ડો. અસ્મા હવે ન્યુરો ફિઝીશ્યન બનવા માગે છે. અને તબીબી ક્ષેત્રમાં રહેલ વિધાર્થીને માર્ગદર્શન પૂરુ પાડી રહયા છે.